My baby is 3 months old and I want to add a middle name to her present name.Can u tell me the procedure for that?
![](/assets/avatars/kila.png)
Answered on December 17,2020
ജനന രജിസ്റ്ററിൽ ചേർത്തിട്ടുള്ള കുട്ടിയുടെ പേര് കുട്ടിയെ സ്കൂളിൽ ചേർക്കുന്നതിന് മുൻപ് ഒരു പ്രാവശ്യം തിരുത്തുവാൻ കഴിയും. അതിനായി ജനനം രജിസ്റ്റർ ചെയ്തിട്ടുള്ള തദ്ദേശ ഭരണ സ്ഥാപനത്തിലെ രജിസ്ട്രാർക്ക് മാതാപിതാക്കളുടെ സംയുക്ത അപേക്ഷ/രക്ഷിതാവിന്റെ അപേക്ഷ (5 രൂപ കോർട്ട് ഫീസ് സ്റ്റാമ്പ് പതിച്ചത്), നിലവിലുള്ള പേര് എങ്ങനെയാണ് തിരുത്തേണ്ടതെന്ന് ഇഗ്ലീഷിലും മലയാളത്തിലും കാണിച്ചുകൊണ്ട് , ചുവടെ പറയുന്ന രേഖകൾ സഹിതം നൽകണം.
1) അപേക്ഷകരുടെ/ അപേക്ഷകന്റെ ഫോട്ടോ പതിച്ച തിരിച്ചറിയൽ രേഖ.
2) മുൻപ് കുട്ടിയുടെ ജനന സർട്ടിഫിക്കറ്റുകൾ വാങ്ങിയിട്ടുണ്ടെങ്കിൽ അവ. വാങ്ങിയ സർട്ടിഫിക്കറ്റുകൾ നഷ്ട്ടപെട്ടിട്ടുണ്ടെങ്കിൽ അതുസംബന്ധിച്ച 200 രൂപയുടെ മുദ്രപത്രത്തിലെ സത്യവാങ്മൂലം.(വ്യത്യസ്തങ്ങളായ സർട്ടിഫിക്കറ്റുകൾ കൈവശം വയ്ക്കുന്നത് തടയുന്നതിനാണ് ഈ നിബന്ധന).
3) ജനന രജിസ്റ്ററിൽ ഒരിക്കൽ ചേർത്ത പേര് തിരുത്തുന്നതിനുള്ള സാഹചര്യം വ്യക്തമാക്കുന്ന വെള്ള കടലാസിലുള്ള സത്യവാങ്മൂലം.
4) കോമ്പൗണ്ടിങ് ഫീസ് 50 രൂപ.
5) പുതിയ സർട്ടിഫിക്കറ്റിനുള്ള 50 രൂപയുടെ മുദ്രപത്രവും സർട്ടിഫിക്കറ്റ് ഫീസായി 5 രൂപയും കൂടി നൽകണം.